CSGAB letter requesting to work from home

WE  SHALL  OVERCOME

COLLEGE STUDENTS AND GRADUATES ASSOCIATION OF THE BLIND

Thakkar Bapa Vidhyalaya, 58, Venkatnarayana Road, T.Nager, Chennai-600 017.

Ph:044-24348628,044-48548628,9444378628 Email : tncsgab@gmail.comtncsgab1980@gmail.com Web:csgab.org

முத்துசாமி இறக்கவில்லை, முன்னேற்றம் அடையும் உடல்நிலை

29 செப்டம்பர், 2020

 

        முத்துசாமி

பார்வையற்ற கல்லூரி மாணவர்கள் மற்றும் பட்டதாரிகள் சங்கத்தின் தலைவர் திரு. முத்துசாமி அவர்களின் உடல்நிலையில் சில முன்னேற்றங்கள் ஏற்பட்டுள்ளதாகச் சொல்லப்படுகிறது. இன்று அதிகாலை சரியாக ஒரு மணியளவில் அன்னார் இயற்கை எய்தியதாக வந்த தகவலை அடுத்து, பார்வையற்றோர் மத்தியில் பரபரப்பு ஏற்பட்டது. இந்நிலையில், தற்போது அவருக்கு இதயத் துடிப்பு இருப்பதாகவும், ட்ரிப்ஸ் ஏற்றும் அளவிற்கு அவரது உடல்நிலையில் முன்னேற்றம் ஏற்பட்டுள்ளதாகவும் நேர்மறையான தகவல்கள் வெளிவந்துகொண்டிருக்கின்றன.

ஆக்கபூர்வ உரையாடலுக்கு அழைக்கிறது சங்கம்

9 ஆகஸ்ட், 2020

பார்வையற்ற கல்லூரி மாணவர்கள் மற்றும் பட்டதாரிகள் சங்கம் நடத்தும்
இணையவெளி கருத்தரங்கம்
புதிய கல்விக் கொள்கையில் பார்வையற்றோர் எதிர்பார்ப்புகளும் ஏமாற்றங்களும்
நாள் : இன்று 09.08.2020.
நேரம் : காலை 10. 45 மணி.
இடம் : ஜூம் (Zoom) அரங்கம் / வலையொளி (youtube) நேரலை.
சிறப்பு விருந்தினர்கள் :
கல்வியாளர் எழுத்தாளர் ஆயிஷா இரா. நடராஜன் அவர்கள்.
சமூக செயல்பாட்டாளர் ஜெகதீஸ்வரன் அவர்கள்.
கருத்தாளர்கள் :
Mrs. M. முத்துச்செல்வி, துணைத் தலைவர், அகில இந்திய பார்வையற்றோர்
கூட்டமைப்பு (AICB). மேலாளர், இந்தியன் வங்கி.
Ms. திப்தி பாட்டியா, தலைமை நிர்வாக அலுவலர் (CEO), தேசிய
பார்வையற்றோருக்கான சங்கம், தமிழ்நாடு (NAB Tamilnadu).
Dr. T. நடராஜன், மாநில செயற்குழு உறுப்பினர், பார்வையற்ற ஆசிரியர்கள்
சங்கம். உதவிப் பேராசிரியர், அரசு கலைக் கல்லூரி, திருவாரூர்.
Mr. K.R.P. சரவணமணிகண்டன், மாநில துணைச் செயலர், ஹெலன் கெல்லர்
மாற்றுத்திறனாளிகள் நலச் சங்கம். தமிழ் பட்டதாரி ஆசிரியர், பார்வையற்றோர் அரசு மேல்நிலைப் பள்ளி, சென்னை.
Dr. K. முருகானந்தன், சட்ட ஆலோசனைக் குழு உறுப்பினர் (Advocacy Committee
Member), பார்வையற்ற கல்லூரி மாணவர்கள் மற்றும் பட்டதாரிகள் சங்கம்.
அமைப்புக்கஉழு உறுப்பினர், பார்வையற்ற முற்போக்கு சிந்தனையாளர் பேரவை.
Zoom Meeting link :
https://us02web.zoom.us/j/84052429610?pwd=QThyTTRuK2tsTzFGZm84ZVVRUG1DUT09
Meeting ID: 840 5242 9610
Passcode: csgab
ஜூம் அரங்கில் இணைய முடியாதவர்கள் csgab info hub வலையொளி (youtube)
நேரலையில் இணையலாம்.
https://www.youtube.com/channel/UCiIerT9kXUyCGVTgK30dfkw
அனைவரும் வருக!
தலைவர்
V. முத்துசாமி.
பொதுச்செயலாளர்
A.மணிக்கண்ணன்.
பார்வையற்ற கல்லூரி மாணவர்கள் மற்றும் பட்டதாரிகள் சங்கம்
தொலைபேசி எண் : 044–24348628, 044-48548628.
மின்னஞ்சல் : tncsgab@gmail.com
இணையதளம் : www.csgab.org
நன்றி.
சவால்முரசு: நமக்கான ஊடகம், - நமக்கு நாமே ஊடகம்

எல்லோரும் இணைவோம், இடுக்கண் களைவோம்!

26 ஜூலை, 2020

அன்புள்ள மாற்றுத்திறனாளிகள் நல விரும்பிகளே!

இன்னும் சில மணிநேரங்களில் தொடங்கவிருக்கிற, ஹெலன்கெல்லர் மாற்றுத்திறனாளிகள் நலச்சங்கத்தின் முதல் இணையவழி கருத்தரங்கிற்கு உங்களை அன்புடன் அழைக்கிறோம்.

தலைப்பு: ‘கரோனா பேரிடருக்குப் பிறகான, பார்வை மாற்றுத்திறனாளிகளின் சிக்கல்களும் அதன் தீர்வுகளும்’

நாள்: இன்று, (ஜூலை  26, 2020  ஞாயிற்றுக்கிழமை)

நேரம்: காலை பதினோரு மணி

இடம்: சூம் (zoom) அரங்கம்.

Meetingஇணைப்பு:

https://us02web.zoom.us/j/89012128318
 

Meeting ID: 890 1212 8318

வணக்கம்!

தனியாள் இடைவெளி என்கிற பதம் கரோனா பேரிடர் காலத்திலும், பேரிடருக்குப் பின்னான நாட்களிலும் பார்வை மாற்றுத்திறனாளிகளின் அன்றாடத்தில், அதிலும் குறிப்பாக சுயதொழில் மற்றும் வணிகம் செய்யும் பார்வை மாற்றுத்திறனாளிகளின் வாழ்முறையில் ஏற்படுத்தப்போகிற எதிர்த் தாக்கங்கள், பாதிப்புகள் யாவை?

அவற்றிற்கான தீர்வுகள்தான் என்ன?

அவர்களிடமே கேட்போம், நமக்குத் தோன்றுவதையும் தீர்வாக முன்வைப்போம்.

முன்னிலை: உயர்திரு. ஜானி டாம் வர்கிஸ் இ.ஆ.ப.

மாற்றுத்திறனாளிகளுக்கான மாநில ஆணையர் அவர்கள்

மற்றும்

துறை அலுவலர்கள்.

வரவேற்புரை: செல்வி U. [சித்ரா

தலைவர், ஹெலன்கெல்லர் மாற்றுத்திறனாளிகள் நலச்சங்கம்

கரோனா பேரிடர் காலத்தில் நமக்கு நாமே:

தொகுப்புரை: ரா. பாலகணேசன்

ஆசிரியர், விரல்மொழியர் மின்னிதழ்

களத்தில் கண்டதும் முன் வைக்கும் கோரிக்கைகளும்:

அனுபவ உரை: சுய தொழில் மற்றும் வணிகம் செய்யும் பார்வை மாற்றுத்திறனாளிகளான திரு. சு. கொலஞ்சிநாதன், திருமதி. தா. கஸ்தூரி மற்றும் திரு. க. செல்லமுத்து.

பேரிடரின் பிந்தைய பாதிப்புகளும் அதன் தீர்வுகளும்:

அழைப்பாளர்கள் உரை:

திரு. T. முத்துச்சாமி M.A.B.Ed

தலைவர், பார்வையற்ற கல்லூரி மாணவர்கள் மற்றும் பட்டதாரிகள் சங்கம்.

திரு. A. ரமேஷ் பட்டதாரி ஆசிரியர்

மாநிலப் பொதுச்செயலாளர், பார்வையற்றோர் ஆசிரியர் சங்கம்.

திருமதி. முத்துச்செல்வி பாண்டியராஜன்

துணைத்தலைவர், அகில இந்திய பார்வையற்றோர் கூட்டமைப்பு.

திரு. முனைவர் கு. முருகானந்தன்

ஒருங்கிணைப்பாளர்: பார்வையற்ற முற்போக்கு சிந்தனையாளர் பேரவை.

திரு. சங்கர்

மாற்றுத்திறனாளிகளுக்கான தொழில்நுட்ப ஆலோசகர்.

முன்னிலை உரை: உயர்திரு. ஜானி டாம் வர்கிஸ் இ.ஆ.ப.

மாற்றுத்திறனாளிகளுக்கான மாநில ஆணையர் அவர்கள்.

நன்றி உரை: திரு. S. [சுரேஷ்குமார்

துணைத்தலைவர், ஹெலன்கெல்லர் மாற்றுத்திறனாளிகள் நலச்சங்கம்.

நிகழ்ச்சி தொகுப்பு: திரு. ப. சரவணமணிகண்டன்

இணைச்செயலர், ஹெலன்கெல்லர் மாற்றுத்திறனாளிகள் நலச்சங்கம்.

வாருங்கள்!

எல்லோரும் இணைவோம், இடுக்கண் களைவோம்.

இணைந்து வழங்குவோர்,

சவால்முரசு: ‘நமக்கான ஊடகம், நமக்கு நாமே ஊடகம்’

குறிப்பு: கருத்தரங்கில் இணைய இயலாதவர்கள், எங்கள் சவால்முரசு யூட்டூப் தளத்தில் நேரலையைக் காணலாம். அதற்கான இணைப்பு நிகழ்வு தொடங்கும் தருணத்தில் பகிரப்படும்.

 சவால்முரசு: நமக்கான ஊடகம், - நமக்கு நாமே ஊடகம்

நன்றிகளும் வாழ்த்துகளும்

9 ஜூலை, 2020

ஊனமுற்றோர் உரிமைகள் சட்டம் 2016 அத்தியாயம் 16ல் பிரிவு 89, 92, 93 ஆகிய பிரிவுகளின்கீழ் மேற்கொள்ளவிருந்த சட்ட திருத்த நடவடிக்கையினைத் திரும்பப் பெறுவதாக அறிவித்துள்ளது நடுவண் அரசு.

கரோனாவுக்குப் பின்னான காலகட்டத்தில், நாட்டின் தொழில்வளர்ச்சியை ஊக்குவிக்கும்பொருட்டு, நடுவண் அரசால் இயற்றப்பட்ட 19 சட்டங்களில் பல்வேறு திருத்தங்களை மேற்கொள்ள முடிவு செய்தது நடுவண் அரசு. அதன்படி, ஊனமுற்றோர் உரிமைகள் சட்டத்தின் உயிர்ப்பாகமான ‘குற்றமும் தண்டனைகளும்’ என்கிற 16ஆம் அத்தியாயத்தின் பிரிவுகளான 89, 92, 93 ஆகியவற்றில் கூறப்பட்டுள்ள மாற்றுத்திறனாளிகளுக்கு எதிராகப் பல்வேறு வகைகளில் இழைக்கப்படும் குற்றங்களுக்கான தண்டனைகளை குறைப்பதோடு, அவற்றின் விசாரணை நடைமுறைகளிலும் பல்வேறு மாற்றங்களைப் பரிந்துரைத்தது நடுவண் அரசு.

இது தொடர்பாக திருத்தத்தின் மீதான கருத்துக் கேட்பு என்கிற சம்பிரதாய நடவடிக்கைக்காக ஏழு மாற்றுத்திறனாளி அமைப்புகளுக்கு மட்டும் ஊனமுற்றோருக்கான அதிகாரமளித்தல் துறையால் கடிதம் ஒன்று அனுப்பப்பட்டது. மிகக் குறுகிய கால அவகாசத்தை வழங்கும் வகையில், ஜூலை 10ஆம் தேதிக்குள் இந்த திருத்தங்களின் மீதான தங்களின் கருத்துகளைத் தெரிவிக்குமாறு அதில் கூறப்பட்டிருந்தது. நடுவண் அரசின் பரிந்துரையைக் கடுமையாக எதிர்த்த NCPED பிற அமைப்புகளின் கருத்துகளைத் திரட்டிடும் நோக்கத்தோடு அந்தக் கடிதத்தை வெளியிட்டது. கடிதம் வெளியானது முதலாகவே, பல மாற்றுத்திறனாளி அமைப்புகள் தங்களின் கடுமையான எதிர்ப்பைப் பதிவு செய்து வந்தனர். குறிப்பாக, மாற்றுத்திறனாளிகள் உரிமைகளுக்கான மேடை (NPRD) மிகக் காத்திரமான முறையில் தனது எதிர்ப்பைப் பதிவு செய்ததோடு, ஏழு அமைப்புகளுக்கு மட்டும் கடிதம் அனுப்பிய நடுவண் அரசின் செயலை வன்மையாகக் கண்டித்திருந்தது.

தமிழகத்தில் இது தொடர்பான கருத்து கேட்பு மற்றும் கலந்துரையாடலை கடந்த 6.ஜூலை.2020 அன்று ஜூம் வாயிலாக முன்னெடுத்தது தமிழ்நாடு பார்வையற்றோர் முற்போக்கு சிந்ந்தனையாளர் பேரவை. அத்தோடு, மாநிலத்தின் ஒட்டுமொத்த எதிர்ப்பினையும் ஒன்று திரட்டும் முயற்சியாக, திருத்தங்களுக்கு எதிரான வரைவினைத் தயாரித்தது. இந்த சட்டப் பிரிவு குறித்தும், நடுவண் அரசு மேற்கொள்ள விரும்புகிற திருத்தங்கள் குறித்தும் சட்ட திருத்தம் இல்லை, நீதித் திரிப்பு  என்ற தலைப்பில் சவால்முரசு மின்னிதழில், கடந்த 5.ஜூலை.2020 அன்று விரிவான கட்டுரையும் வெளியானது. இந்நிலையில், ஊனமுற்றோர் அதிகாரமளித்தல் துறையினால் நேற்று (ஜூலை 8) வெளியிடப்பட்டுள்ள அறிக்கையில், திருத்தங்கள் தொடர்பான அனைத்து நடவடிக்கைகளையும் கைவிடுவதாக அறிவிக்கப்பட்டுள்ளது.

நடுவண் அரசின் இந்த அறிவிப்பு, மாற்றுத்திறனாளிகளுக்குக் கிடைத்த முக்கியமான வெற்றியாகும். இதற்காகப் போராடிய பல்வேறு அமைப்புகள், தமிழகத்தில்இது தொடர்பான ஆழமான விவாதங்களை முன்னெடுத்த பார்வையற்ற முற்போக்கு சிந்தனையாளர்ப் பேரவை, ஜூம் கருத்தரங்கில் மட்டுமின்றி, தங்களுக்கு வாய்ப்புக் கிடைத்த தளங்கள் அனைத்திலும் திருத்தம் தொடர்பான புரிதல்களை ஏற்படுத்திய அனைத்திந்திய பார்வையற்றோர் சம்மேளனத்தின் துணைத்தலைவர் திருமதி. முத்துச்செல்வி பாண்டியராஜன், பார்வையற்ற கல்லூரி மாணவர்கள் மற்றும் பட்டதாரிகள் சங்கத்தின் வழக்கறிஞர் பிரிவைச் சேர்ந்த பேராசிரியர் திரு. சிவக்குமார், பார்வையற்ற முற்போக்கு சிந்தனையாளர்ப் பேரவையின் முனைவர் திரு. முருகானந்தன் மற்றும் டிசம்பர் 3 இயக்கத்தின் ஒருங்கிணைப்பாளரான பேராசிரியர் தீபக்நாதன் ஆகியோருக்கு ஹெலன்கெல்லர் மாற்றுத்திறனாளிகள் நலச்சங்கம் தனது நெஞ்சார்ந்த நன்றிகளைத் தெரிவித்துக்கொள்கிறது. மேலும், சமூகவலைதளங்களில் இந்தத் திருத்தங்களுக்கு எதிராக எதிர்வினை ஆற்றிய அத்தனை பேருக்கும்நன்றிகளும் வாழ்த்துகளும்.

வெற்றியைக் கொண்டாடுவோம், விழிப்பினைக் கைவிடாது.

U. சித்ரா உபகாரம்; தலைவர்

ஹெலன்கெல்லர் மாற்றுத்திறனாளிகள் நலச்சங்கம்

 சவால்முரசு: நமக்கான ஊடகம், - நமக்கு நாமே ஊடகம்

திருத்தத்திற்கெதிரான தமிழகத்தின் குரல்கள்; திரட்டும் முயற்சியில் பேரவை

7 ஜூலை, 2020

மாற்றுத்திறனாளிகள் உரிமைகள் சட்டம் 2016 அத்தியாயம் 16ல் பிரிவு 89, 92 மற்றும் 93 ஆகியவற்றில் நடுவண் அரசு சில திருத்தங்களைச் செய்ய முடிவெடுத்துள்ளது. அந்த திருத்தங்கள் எவை, அரசின் முடிவை மாற்றுத்திறனாளிகள் எவ்வாறு எதிர்கொள்வது போன்ற விவாதங்களை முன்னெடுக்கிற முதல் களமாய் அமைந்தது பார்வையற்ற முற்போக்கு சிந்தனையாளர்ப் பேரவையின் ஜூம் வழிக் கருத்தரங்கு. அந்த நிகழ்வின் சில துளிகள் இங்கே.

“எல்லாச் சட்டங்களும், அவற்றை மேம்படுத்தும் பொருட்டு திருத்தப்படும். நமது ஊனமுற்றோருக்கான உரிமைகள் சட்டம் 2016 மட்டும்தான் நீர்த்துப் போவதற்கென்றே திருத்தப்படுகிறது.”

திருமதி. முத்துச்செல்வி பாண்டியராஜன்

துணைத்தலைவர்; அகில இந்திய பார்வையற்றோர் சம்மேளனம்.

"இந்தச் சட்டத்தால் நாம் உரிமைகளைப் பெற்றோம் என்று சொல்ல முடியாது. ஆனால், உரிமைகளை வலியுறுத்திப் பெறுகிற வாய்ப்பினையாவது வழங்கியது இந்தச் சட்டம். அதற்குள்ளாகவே திருத்தம் என்பது வேடிக்கையாக உள்ளது."

முனைவர். முருகானந்தம்

பார்வையற்ற முற்போக்கு சிந்தனையாளர்ப் பேரவை

“இருக்கிற இந்தச் சட்டத்திலேயே எதுவுமில்லை. இதை ஏன் திருத்த வேண்டும். ஒட்டுமொத்தமாக இல்லாமல் செய்துவிடுங்கள்.”

பேராசிரியர் சிவக்குமார்

வழக்கறிஞர் பிரிவு; பார்வையற்ற கல்லூரி மாணவர்கள் மற்றும் பட்டதாரிகள் சங்கம்

“ஒரு சட்டம் யாருக்காக இயற்றப்பட்டதோ அவர்களை அது வலுப்படுத்துகிறதா அல்லது அரசை வலுப்படுத்துகிறதா எனப் பார்க்க வேண்டும். இந்த ஊனமுற்றோர் உரிமைகள் சட்டம் 2016 அரசைத்தான் வலுப்படுத்துகிறது."

பேராசிரியர் தீபக்நாதன்

டிசம்பர் 3 இயக்கம்

சவால்முரசு: நமக்கான ஊடகம், - நமக்கு நாமே ஊடகம்

"அலட்சியத்தை பெரும் லட்சியமாய் கொண்டு இயங்கும் ஆணையரில்லா மாற்றுத்திறனாளிகள் ஆணயரகத்தை வன்மையாக கண்டிக்கிறோம்!" பார்வையற்ற கல்லூரி மாணவர்கள் மற்றும் பட்டதாரிகள் சங்கத்தின் கடுமையான அறிக்கை

கரோனா பேரிடர் காலத்தில் மாற்றுத்திறனாளிகள் நலத்துறை செயல்படாமல் முடங்கிக் கிடப்பதாகவும், துறையின் இந்தப் போக்கினை வன்மையாகக் கண்டிப்பதாகவும், பார்வையற்ற கல்லூரி மாணவர்கள் மற்றும் பட்டதாரிகள் சங்கத்தின் பொதுச்செயலர் திரு. அ. மணிக்கண்ணன் அவர்கள் நீண்ட அறிக்கை ஒன்றினை வெளியிட்டுள்ளார்.
அந்த அறிக்கையில், இந்தத் துறையில் இருக்கக்கூடிய சாபக்கேடான சிக்கல் மாற்றுத்திறனாளிகளுக்கான சட்டங்கள் குறித்து எவ்வித புரிதலும் அற்ற, அல்லது அவர்கள் சார்ந்து இயங்குவதற்கான பயிற்சி ஏதும் பெறாத அதிகாரிகளை தொடர்ச்சியாக  பணி அமர்த்துவதில் இருந்து தொடங்குகிறது எனவும்,  “அவ்வாறு நியமிக்கப்படும் அதிகாரிகள் பாரா முகத்தையே பலவேளைகளில் பரிசாகத் தந்து சட்டப்படியோ மனசாட்சிக்கு உட்பட்டோ  இயங்காமல், மாற்றுத்திறனாளிகளுக்கு குறையேதும் இல்லை என்று அரசிடமும், அரசின் கவனத்திற்கு எடுத்துச் சென்று விட்டோம் என்று மாற்றுத்திறனாளிகள் இடமும் தன்னை தற்காத்துக் கொள்ளும் பொருட்டு எடுத்துச் சொல்லி தப்பிப்பதிலேயே அதிக கவனம் செலுத்துகின்றனர். அவ்வாறு செயல்படுவதால் ஏற்படும் ஆபத்தை இதுபோன்ற நெருக்கடி காலங்களில் அதிகம் உணரத் தொடங்கி இருக்கிறார்கள் பார்வையற்றவர் உள்ளிட்ட இதர மாற்றுத்திறனாளிகள்” என அந்த அறிக்கையில் குறிப்பிடப்பட்டுள்ளது.

மேலும் அந்த அறிக்கையில், “ஆணையராக இருந்து அதிகாரத்தோடு இயங்கவேண்டிய பொறுப்பில், இயக்குனர் மட்டத்தில் அதிகாரியை நியமித்து பல் பிடுங்கப்பட்ட பாம்பைப் போல் இந்த துறையை அதன் சட்டத்தை நீர்த்துப் போகச் செய்தது தான் என்பதை அலுவலக நடைமுறை குறித்த அறிவு கொண்டவர்களுக்கு சொல்லி புரிய வேண்டியதில்லை! மாற்று திறனாளிகளுக்கு என்று உதவி எண் ஒன்றை கொடுத்து, அது மாண்புமிகு நீதிபதிகள் தங்கள் கைபேசியில் இருந்து அழைத்தபோது இயங்கவில்லை என்கிற நிலையில் அதனை வைத்திருக்கிற ஒன்று போதாதா இந்தத் துறை அதிகாரிகள் அலட்சிய போர்வையை போர்த்தி ஆழ்ந்த உறக்கத்தில் இருக்கிறார்கள் என்பதற்கு! எனக் கடுமையாக விமர்சிக்கப்பட்டுள்ளது.

மாநில மாற்றுத்திறனாளிகள் ஆணையரகத்தில்  நடப்பது என்ன? என்ற கேள்வியை முன்வைக்கும் அந்த அறிக்கை,

இந்த துறையின் செயல்பாடுகள் இதற்கு முன்பை காட்டிலும் கடந்த மூன்று மாதங்களாக அதல பாதாளத்திற்கு சென்று விட்டன என்பதில் இருவேறு கருத்துக்கு இடமில்லை. ஆணையர் என்கிற அதிகார மட்டத்தில் இருக்கக்கூடிய இயக்குனர் எப்பொழுது அலுவலகம் வருகிறார் என்பது யாருக்கும் தெரியாது. அலுவலக என்னை தொடர்பு கொண்டால் எடுத்து பதில் சொல்ல ஒருவரும் பெரும்பான்மையான நேரங்களில் இருப்பதில்லை. மாற்றுத்திறனாளிகள் ஓடு தொடர்பை வைத்துக்கொண்டு உடனுக்குடன் தீர்வைத் தர வேண்டிய இயக்குனரும், இணை இயக்குனரும் இதர முதல் நிலை அதிகாரிகளும் அதற்காக எவ்வித முயற்சியும் எடுத்ததாக தெரியவில்லை. அலட்சியத்தில் உச்சம் தொட்டதர்க்கு  சான்றாக இதுவரை அனுப்பப்பட்ட மின்னஞ்சல் எதற்கும் பதில் இல்லை, அவற்றில் சுட்டிக்காட்டப்பட்ட கோரிக்கைகள் தொடர்பாக எவ்வித முயற்சியும் மேற்கொள்ளப்பட்டதற்கான  சான்றுகளும் கிடைக்கப்பெறவில்லை. அலுவலகத்திற்கு எழுதுகிற கடிதங்களும், அலுவலகத்திலிருந்து உயரதிகாரிகளுக்கு செல்லக்கூடிய கடிதங்களும் அவ்வப்பொழுது பொது வெளிகளில் கசிந்தது என்பதையே பெரு மகிழ்வோடு எடுத்துக்காட்டலாம் இந்தத் துறை அதிகாரிகளின் மெச்சத்தக்க செயல்பாட்டிற்கு! இதில் கொடுமை யாதெனில் பெரும் மதிப்புக்குரிய ஆணையர் பெருந்திரளாக மாற்றுத்திறனாளிகள் தங்களின் இடர்பாட்டை எடுத்துச் சொல்லும் தமிழ்மொழியில் பரிட்சயம் அற்றவராக இருப்பதுதான். இதை நிவர்த்தி செய்யும் பொருட்டு இச்சங்கம் ஆங்கிலத்தில் அனுப்பிய கடிதங்களுக்கு  கூட இவர் பதில் தர முன்வரவில்லை என்பது வருத்தத்தோடு பதிவு செய்யத் தக்கது. இந்தத் துறை செயல் அற்று இருப்பதாலும்,  முடங்கிப்போய் இருப்பதில் மூழ்கித் திழய்ப்பதாலும் மாற்றுத்திறனாளிகளுக்கு பலதரப்பட்ட பிரச்சினைகள் வாழ்வாதாரம் தொடர்பாக அனுதினமும் அதிகரித்த வண்ணம் இருக்கின்றன என்பது கண்கூடு.” என அந்த அறிக்கை நீள்கிறது.

முழு அறிக்கையையும் படிப்பதற்கான முகநூல் தொடுப்பு 

 சவால்முரசு: நமக்கான ஊடகம், - நமக்கு நாமே ஊடகம்

நன்றிகளும் வாழ்த்துகளும்

தலைவர் சித்ரா

தமிழகத்தின் பல்வேறு பகுதிகளிலிருந்து வந்து சிறப்புப் பள்ளி விடுதிகளில் தங்கிப் பயின்றுவரும் 800க்கும் மேற்பட்ட மாணவர்களைப் பொதுத்தேர்வு எழுதும் பொருட்டு, அவர்கள் பயிலும் பள்ளிகளுக்கு அழைத்துச் செல்ல சிறப்பானதொரு முறையில் பேருந்து வசதி ஏற்பாடு செய்யப்பட்டதோடு, முதல்வரின் தேர்வு ரத்து என்கிற அறிவிப்பிற்குப்பிறகு அதே நடைமுறையைப் பின்பற்றி, சிறப்புப் பள்ளி மாணவர்களைப் பாதுகாப்பான முறையில் அவர்களின் இருப்பிடத்திற்கே கொண்டு சேர்த்திருக்கிறது தமிழக அரசின் மாற்றுத்திறனாளிகள் நலத்துறை.

எண்ணிக்கையில் மிகவும் குறைந்தவர்களே எனினும், மாற்றுத்திறனாளி மாணவர்களின் சிறப்புத் தேவைகளைக் கணக்கில் கொண்டது பாராட்டுக்குரியது. நான்கைந்து மாணவர்களுக்காகவும் ஒரு பேருந்து பல மாவட்டங்கள் கடந்து சென்னை வந்ததை நினைத்தால் மகிழ்ச்சியாக இருக்கிறது. ஹெலன்கெல்லர் மாற்றுத்திறனாளிகள் நலச்சங்கம் மற்றும் பார்வையற்ற கல்லூரி மாணவர்கள் மற்றும் பட்டதாரிகள் சங்கமும் இந்தக் கோரிக்கையினை மாற்றுத்திறனாளிகள் நல ஆணையரிடம் எடுத்துச் சென்றதோடு, அதனைத் தொடர் வலியுறுத்தல்களால் நிறைவேற்றியிருக்கிறார்கள்.

விடுதிகளிலிருந்து 10.06.2020 அன்று அரசு சிறப்பு பேருந்துகளில் சொந்த மாவட்டங்களுக்கு அழைத்து செல்லப்பட்ட மாற்றுத்திறனாளி மாணவ மாணவிகள், அவர்களின் பெற்றோர் மற்றும் பாதுகாவலர்களிடம் மாற்றுத்திறனாளிகள் நல அலுவலர்கள் மூலம் பத்திரமாக ஒப்படைக்கப்பட்டனர். @CMOTamilNadu@DrVSarojaoffl pic.twitter.com/n6VkyZh2rC

— Commissioner for Differently Abled, Tamil Nadu (@statecomforpwds) June 10, 2020

மாற்றுத்திறனாளிகள் நலத்துறை தமிழக அரசின் போக்குவரத்துத் துறையுடன் இணைந்து 49 வழித்தடங்கள் அடங்கிய வரைவைத் தயார் செய்தார்கள். அந்த வரைவிற்கு அப்படியே செயல் உருவம் கொடுத்ததில் முக்கியப் பங்காற்றியவர்கள் அனைத்து மாவட்ட ஆட்சியர்கள் மற்றும் மாற்றுத்திறனாளிகள் நல அலுவலர்கள்.
இந்த நிகழ்வு, மாற்றுத்திறனாளி மாணவர்களிடம் மட்டுமல்ல, அவர்களின் பெற்றோர், ஆசிரியர்கள், பொதுச்சமூகம் என அனைத்துத் தரப்பினரிடமும் ஏற்படுத்தியிருக்கிற நேர்மறை அதிர்வுகள் தொடர வேண்டும். இத்தகைய சிறப்பான ஏற்பாட்டில் பங்கேற்றுப் பணியாற்றிய அனைவருக்கும் ஹெலன்கெல்லர் மாற்றுத்திறனாளிகள் நலச்சங்கம் சார்பில் நன்றிகளையும் வாழ்த்துகளையும் தெரிவித்துக்கொள்கிறோம்.
சவால்முரசு: நமக்கான ஊடகம், - நமக்கு நாமே ஊடகம்